Celebrasaun Loron Baden Powell iha Timor Leste

Saudasoens Escuteiros,

Ohin Loron 22 Febreiro loron ida neb eke signifikan tebes ba ema Escuteiros ou Scout. Tamba loron ida ohin loron Foundador ba Escuteiros mundial iha mundo tomak. Iha nasun hotu nebe mak Scout esiste ohin loron sira celebra ho aktividade oin-oin deit.

Maibe saida mak ita Escuteiros timor halo? Antes de akampamento Permascoutil nian iha ona plano atu halao aktivaidade atu celebra loron fundador nian no husi komsario nasional UNE-TL iha mos ona plano atu halao aktividade ruma ba iha loron ida ne’e. Maibe saida mak akuntese iha ita nia rai ho kondisaun estadu de sitio ita labele halo buat ruma. Ita labele halibur malu, ita mos labele halo encontro.

Ohin dadersan molok hau atu tun husi hau kama halo hau foti hau nia telemobel no hau hakerek mensagem ba maluk escureiros sira mak hanesan tuir mai ne’e “Parabems ba loron BADEN POWELL ba dala 151. 22 -2-1857 – 22-2-2008. Ho aniversario ida ne’e bele hametin ho haburas liutan Scoutismo iha Timor Leste”

Hau mos prepara a’an atu sai, ho celebrasaun ida ne’e hau uja kamisa sablon ida nebe foto ita fundador Baden Powell nian tau iha kamisa nia oin. Molok hau atu sai husi uma hau mos hetan resposta sms husi maun Ijolino katak nia iha loron tomak uja lenso UNE-TL.

Hau kontente tebes kuando ohin loron hamutuk ho kolegas escuteiros sira hotu atu hodi halao akvidade oan ruma atu komera loron ida ne’e. Maibe realidade mak hanesan ne’e ita labele halo buat tamba situasaun no kondisaun ita nia nasaun mak la permite ita atu halibur malu.

Ho loron ida ne’e hau hakarak hato ba maluk escuteiros sira nebe mak le blog ne’e mai ba ita haburas ho haberan escutismo iha ita rain. Atu nune ita mos bele suporta ba ita nia nasaun ne’e atu prepara labarik no juventude ida nebe ke iha mentalidade diak, moral diak ho responsablidade, respeito ema seluk atu kontribui ba nasaun ida ne’e iha futuru.

Saudasoens Escuteiros,
Karno